നിയമലംഘനം കൊല്ലം റൂറലില്‍ 55 കേസുകള്‍ രജിസ്റ്റര്‍ ചെയ്തു

കൊട്ടാരക്കര: കോവിഡ്-19 കൊറോണ വൈറസ് വ്യാപനം തടയുന്നതിനായി സര്‍ക്കാര്‍ ഏര്‍പ്പെടുത്തിയ ലോക്ക് ഡൗണില്‍ നിയന്ത്രണങ്ങള്‍ ലംഘിച്ച് പുറത്തിറങ്ങിയവര്‍ക്കെതിരെ കര്‍ശന നടപടി സ്വീകരിച്ചു. നിയമലംഘകര്‍ക്കെതിരെ പകര്‍ച്ചവ്യാധി തടയല്‍ ഓര്‍ഡിനന്‍സ് -2020 പ്രകാരം കേസ് രജിസ്റ്റര്‍ ചെയ്തു. പകര്‍ച്ച വ്യാധി തടയൽ ഓര്‍ഡിനന്‍സ് 2020 പ്രകാരം 55 കേസുകള്‍ രജിസ്റ്റര്‍ ചെയ്തു, 55 പേരെ അറസ്റ്റ് ചെയ്തു, 45 വാഹനങ്ങള്‍ പിടിച്ചെടുത്തു.

മാസ്ക് ഉപയോഗിക്കാത്തതിന് 166 പേർക്കെതിരേയും സാനിറ്റൈസർ ഉപയോഗിക്കാത്ത 07 സ്ഥാപനങ്ങൾക്ക് എതിരേയും കേസ് രജിസ്റ്റർ ചെയ്തു.

നിയമലംഘകര്‍ക്കെതിരെ കര്‍ശന നിയമനടപടികള്‍ തുടര്‍ന്നും സ്വീകരിക്കുമെന്ന് ജില്ലാ പോലീസ് മേധാവി ശ്രീ. ഹരിശങ്കര്‍. ഐ.പി.എസ് അറിയിച്ചു.