തപാല്‍ വോട്ട് :17 വരെ അപേക്ഷിക്കാം

കൊല്ലം: ജില്ലയിലെ അവശ്യസര്‍വീസ് വിഭാഗത്തിലുള്ള അസന്നിഹിത വോട്ടര്‍മാര്‍ താപാല്‍ വോട്ടിനായി മാര്‍ച്ച് 17നകം അപേക്ഷിക്കണം. പോളിംഗ് ദിവസം ജോലിനോക്കുന്നവര്‍ക്കാണ് സംവിധാനം. ആരോഗ്യം, പൊലിസ്, അഗ്നിസുരക്ഷ, ജയില്‍, എക്‌സൈസ്, മില്‍മ, വൈദ്യുതി, ജല അതോറിറ്റി, കെ. എസ്. ആര്‍. ടി. സി, ട്രഷറി, വനം, കേന്ദ്ര സര്‍ക്കാരിന്റെ തപാല്‍, ടെലഗ്രാഫ്, ഓള്‍ ഇന്ത്യ റേഡിയോ, ദൂരദര്‍ശന്‍, ബി എസ് എന്‍ എല്‍, റയില്‍വേ, ആംബുലന്‍സ്, തിരഞ്ഞെടുപ്പ് കമ്മിഷന്‍ ചുമതലപ്പെടുത്തിയ മാധ്യമപ്രവര്‍ത്തകര്‍, ഏവിയേഷന്‍, ഷിപ്പിംഗ് വകുപ്പുകളാണ് അവശ്യ സര്‍വീസായി പരിഗണിക്കുന്നത്. 

ഇവയുടെ ജില്ലാതല മേധാവികള്‍ നോഡല്‍ ഓഫീസര്‍മാരെ നിശ്ചയിച്ച് പേരു വിവരം, തസ്തിക, മൊബൈല്‍ നമ്പര്‍ എന്നിവ അടിയന്തരമായി സമര്‍പിക്കാന്‍ ജില്ലാ തിരഞ്ഞെടുപ്പ് ഓഫീസര്‍ കൂടിയായ ജില്ലാ കലക്ടര്‍ നിര്‍ദ്ദേശിച്ചു.

അപേക്ഷാ ഫോം (ഫോം 12ഡി) ജില്ലാ കലക്ടറുടെ വെബ്‌സൈറ്റില്‍ ലഭ്യമാക്കിയിട്ടുണ്ട്. സംശയ നിവാരണത്തിനും വിവരങ്ങള്‍ക്കും 9495754135 നമ്പരില്‍ വിളിക്കാം.

ഭാര്യാപിതാവിനെ വാഹനമിടിച്ച് കൊലപ്പെടുത്തിയ കേസിൽ പ്രതി അറസ്റ്റിൽ

കിളിമാനൂർ: തട്ടത്തുമലയിൽ ഭാര്യ പിതാവിനെ കാറിടിച്ച് കൊലപ്പെടുത്തിയ പ്രതിയെ കിളിമാനൂർ പോലീസ് അറസ്റ്റ് ചെയ്തു. മടത്തറ തുമ്പമൺതൊടി സലാം മൻസിലിൽ അബ്ദുൽ സലാം (52) ആണ് പിടിയിലായത്. 

സംഭവത്തെക്കുറിച്ച് പോലീസ് പറയുന്നതിങ്ങനെ: അബ്ദുൾ സലാം എന്നയാളും ഇയാളുടെ ഭാര്യയും തമ്മിൽ ദാമ്പത്യ കാരണങ്ങൾ സംബന്ധിച്ച് കൊട്ടാരക്കര കുടുംബകോടതിയിൽ കേസ് നടന്നു വരുകയായിരുന്നു . കേസിലെ വിധി അനുകൂലമാക്കാൻ അബ്ദുൽസലാം തൻ്റെ പേരിലുള്ള വസ്തുക്കൾ സഹോദരന്മാരുടെ പേരിലും കൂട്ടുകാരന്റെ പേരിലും മാറ്റിയിരുന്നു. ഇതിനെതിരെ ഇയാളുടെ ഭാര്യ 23-2-.2021 ന് കൊട്ടാരക്കര കുടുംബ കോടതിയിൽ നിന്നും സ്റ്റേ ഉത്തരവ് വാങ്ങിയിരുന്നു. ഈ ഉത്തരവ് നടപ്പാക്കുന്നതിനായി അബ്ദുൽ സലാമിൻ്റെ സഹോദരി സഫിയയുടെ വീട്ടിലേക്ക് പോകുന്നതിനായി ഇയാളുടെ ഭാര്യാ പിതാവും മകനും കോടതി സ്റ്റാഫും ചേർന്ന് തട്ടത്തുമലയിൽ

കാറിലെത്തി പാറക്കട എന്ന സ്ഥലത്ത് ഭാര്യാ പിതാവും മകനും ഇറങ്ങിനിന്ന സമയം സ്റ്റേ ഓർഡർ കിട്ടി ഭാര്യ പിതാവ് അബ്ദുൽ സലാമിന്റെ സഹോദരിയുടെ വീട്ടിൽ എത്തിയതറിഞ്ഞ് ഇവരെ പിന്തുടർന്ന് കാറിലെത്തി ഭാര്യ പിതാവിനേയും മകനേയും കണ്ട് ഇവർ നിന്ന ഭാഗത്തേക്ക് തന്റെ വാഹനത്തിന്റെ വേഗത കൂട്ടി ഇവരെ ഇടിച്ചുതെറിപ്പിക്കുകയായിരുന്നു. ഇടിയുടെ ആഘാതത്തിൽ പരിക്കേറ്റ ഭാര്യാപിതാവ് ഹോസ്പിറ്റലിൽ പോകുംവഴി മരണപ്പെട്ടു. മകൻ ഗുരുതരാവസ്ഥയിൽ ഗോകുലം

ഹോസ്പിറ്റലിൽ ചികിത്സയിലാണ്. തിരുവനന്തപുരം ജില്ലാ പോലീസ് മേധാവി പി. മധുവിൻ്റെ നിർദ്ദേശപ്രകാരം ആറ്റിങ്ങൽ ഡി.വൈ.എസ്.പി ഗോപകുമാറിൻറ മേൽനോട്ടത്തിൽ കിളിമാനൂർ ഐ.എസ്.എച്ച്.ഒ സനൂജ് എസ്, എസ്.ഐമാരായ ടി.ജെ.ജയേഷ്, അബ്ദുൽ ഖാദർ, ജിഎസ് ഐ ഷാജി, റാഫി, സുരേഷ്, എ.എസ് ഐ ഷജിം, സി.പി ഒ, സജിത്ത്,സി .പി .ഒ .മണിലാൽ എന്നിവർ ചേർന്ന് പ്രതിയെ അറസ്റ്റ് ചെയ്തത്.

ഐ ടി ഐ പ്രവേശനം; സ്‌പോട്ട് അഡ്മിഷന്‍ 19 ന്

കുളത്തൂപ്പുഴയില്‍ പുതുതായി ആരംഭിച്ച കൂവക്കാട് ഗവണ്‍മെന്റ് ഐ ടി ഐ യില്‍ എസ് സി വി ടി പ്ലംബര്‍(നോണ്‍ മെട്രിക്) ട്രേഡില്‍ പ്രവേശനത്തിനുള്ള സ്‌പോട്ട് അഡ്മിഷന്‍ ഫെബ്രുവരി 19 ന് രാവിലെ 9.30 ന് ആയൂര്‍ ഇളമാട് ഗവണ്‍മെന്റ് ഐ ടി ഐ യില്‍ നടക്കും. വിശദ വിവരങ്ങള്‍ 0474-2671715 നമ്പരില്‍ ലഭിക്കും.

ചിതറ പോലീസ് സ്റ്റേഷൻ വളവുപച്ചയിൽ 18ന് പ്രവർത്തനം തുടങ്ങുന്നു

ചിതറ: ചിതറ പോലീസ് സ്റ്റേഷൻ ഈമാസം പതിനെട്ടാം തീയതി പ്രവർത്തനം തുടങ്ങും. മുഖ്യമന്ത്രി പിണറായി വിജയൻ വീഡിയോ കോൺഫറൻസിലൂടെ പോലീസ് സ്റ്റേഷന്റെ പ്രവർത്തന ഉദ്ഘാടനം നിർവഹിക്കും. ഇന്നലെ വൈകിട്ട് വളവുപച്ചയിൽ ചിതറ ഗ്രാമ പഞ്ചായത്ത് പ്രസിഡണ്ട് എം എസ് മുരളിയുടെ അദ്ധ്യക്ഷതയിൽ കൂടിയ യോഗം സ്വാഗതസംഘം കമ്മിറ്റി രൂപീകരിച്ചു. 2015 ൽ നവീകരിച്ച പുതിയ ചിതറ ഗ്രാമപഞ്ചായത്ത് ഓഫീസിന്റെ ഉദ്ഘാടനത്തിനെത്തിയ ആഭ്യന്തരമന്ത്രി രമേശ് ചെന്നിത്തലയ്ക്ക് അന്നത്തെ ചിതറ ഗ്രാമപഞ്ചായത്ത് പ്രസിഡണ്ട് ആയിരുന്ന ചിതറ മുരളി നൽകിയ നിവേദനത്തെ തുടർന്നാണ് ചിതറ പോലീസ് സ്റ്റേഷൻ അനുവദിച്ചത്. 

വളവുപച്ചയിൽ ഇതിനായി പ്രദേശവാസികളുടെ സഹായത്തോടെ ഗ്രാമപഞ്ചായത്ത് പോലീസ് സ്റ്റേഷനായി കെട്ടിടം തയ്യാറാക്കുകയും ചെയ്തു. തുടർന്ന് നടപടിക്രമങ്ങൾ പൂർത്തിയാക്കി പോലീസ് സ്റ്റേഷൻ ഉദ്ഘാടനം ചെയ്തു എങ്കിലും ജീവനക്കാരെ നിയമിച്ചു സ്റ്റേഷൻ പ്രവർത്തനം തുടങ്ങാൻ വൈകി. എന്നാൽ ഇതോടൊപ്പം അനുവദിച്ച നഗരൂർ, അച്ചൻകോവിൽ പോലീസ് സ്റ്റേഷനുകൾ പ്രവർത്തനം തുടങ്ങിയിരുന്നു. ഇപ്പോൾ ചിതറ പോലീസ് സ്റ്റേഷൻ പ്രവർത്തനം തുടങ്ങുന്നതിനായി ഇൻസ്പെക്ടർ,സബ് ഇൻസ്പെക്ടർ, സിവിൽ പോലീസ് ഓഫീസർ ഉൾപ്പെടെ 36 പേരെ നിയമിക്കാൻ മന്ത്രിസഭ തീരുമാനിക്കുകയായിരുന്നു. 

പ്രവർത്തനം തുടങ്ങുന്നതിനായി കെട്ടിടത്തിലെ നവീകരണ പരിപാടികൾ ഗ്രാമപഞ്ചായത്ത് പ്രസിഡന്റിന്റെ നേതൃത്വത്തിൽ കഴിഞ്ഞ കുറച്ചു ദിവസങ്ങളായി ധ്രുതഗതിയിൽ നടന്നുവരികയാണ്. കഴിഞ്ഞദിവസം റൂറൽ എസ്പി സ്ഥലം സന്ദർശിച്ചിരുന്നു. ചിതറ പഞ്ചായത്ത് പൂർണ്ണമായും ഇട്ടിവ, കുളത്തൂപ്പുഴ,കുമ്മിൾ പഞ്ചായത്തിലെ ഭാഗിക പ്രദേശങ്ങളും ചിതറ പോലീസ് സ്റ്റേഷൻ പരിധിയിൽ ഉൾപ്പെടും. പോലീസ് സ്റ്റേഷൻ പ്രവർത്തനം തുടങ്ങുന്നതോട് കൂടി വളവുപച്ച - മടത്തറ മേഖലയുടെ വികസന പ്രവർത്തനങ്ങൾക്ക് കൂടിയായിരിക്കും വഴിയൊരുക്കുക.

കിഴക്കന്‍ മേഖലയ്ക്ക് കുതിപ്പേകാന്‍ മലയോര ഹൈവേ യാഥാര്‍ഥ്യത്തിലേക്ക്; പൂര്‍ത്തീകരണ ഉദ്ഘാടനം ഇന്ന് മുഖ്യമന്ത്രി നിര്‍വഹിക്കും

ജില്ലയുടെ കിഴക്കന്‍ മേഖലയ്ക്ക് കുത്തിപ്പേകാന്‍ മലയോര ഹൈവേ യാഥാര്‍ത്ഥ്യത്തിലേക്ക്. പൂര്‍ത്തീകരണ ഉദ്ഘാടനം ഇന്ന്(ഫെബ്രുവരി 11) വൈകിട്ട് 3.30 ന് മുഖ്യമന്ത്രി പിണറായി വിജയന്‍ നിര്‍വഹിക്കും.

201.67 കോടി രൂപയുടെ കിഫ്ബി ധനസഹായത്തോടെയാണ് മലയോര ഹൈവേ പൂര്‍ത്തീകരിച്ചിട്ടുള്ളത്. പുനലൂര്‍ കെ എസ് ആര്‍ ടി സി ജംഗ്ഷന്‍ മുതല്‍ അഗസ്ത്യക്കോട് വരെയും ആലഞ്ചേരി-കുളത്തൂപ്പുഴ-മടത്തറ വഴി ചല്ലിമുക്ക് വരെയുമാണ് മലയോര ഹൈവേ. 46.1 കിലോമീറ്റര്‍ ദൂരം വരുന്ന ഹൈവേയ്ക്ക് 10 മീറ്റര്‍ വീതിയാണുള്ളത്.

സംരക്ഷണഭിത്തികള്‍, കാല്‍നടയാത്രയ്ക്കായി ഇന്റര്‍ലോക്ക് ചെയ്ത നടപ്പാതകള്‍, ഓടകള്‍, കലുങ്കുകള്‍ എന്നിവയും നിര്‍മ്മിച്ചിട്ടുണ്ട്. കൂടാതെ നാല്പതോളം ബസ് ഷെല്‍ട്ടറുകള്‍, വാഹന യാത്രക്കാര്‍ക്കായി വണ്‍ വേ സൈഡ് അമിനിറ്റി സെന്ററും പൂര്‍ത്തീകരിച്ചു. ശുചിമുറി, ലഘു ഭക്ഷണശാല, വിശ്രമമുറി, വാഹന പാര്‍ക്കിങ്ങിനുള്ള സൗകര്യം എന്നിവയും അമിനിറ്റി സെന്ററില്‍ ഒരുക്കിയിട്ടുണ്ട്.

കുളത്തൂപ്പുഴ മാര്‍ക്കറ്റ് ജംഗ്ഷനില്‍ നടക്കുന്ന ചടങ്ങില്‍ പൊതുമരാമത്ത് വകുപ്പ് മന്ത്രി ജി സുധാകരന്‍ അധ്യക്ഷനാകും. വനം-വന്യജീവി വകുപ്പ് മന്ത്രി കെ രാജു, ധനകാര്യ വകുപ്പ് മന്ത്രി ഡോ ടി എം തോമസ് ഐസക്ക്, എം പി മാരായ എന്‍ കെ പ്രേമചന്ദ്രന്‍, കെ സോമപ്രസാദ്, മുല്ലക്കര രത്‌നാകരന്‍ എം എല്‍ എ എന്നിവര്‍ മുഖ്യാതിഥികളാകും.

കശുവണ്ടി വികസന കോര്‍പ്പറേഷന്‍ ചെയര്‍മാന്‍ എസ് ജയമോഹന്‍, അഞ്ചല്‍ ബ്ലോക്ക് പഞ്ചായത്ത് പ്രസിഡന്റ് രാധാ രാജേന്ദ്രന്‍, പുനലൂര്‍ നഗരസഭാ ചെയര്‍പേഴ്‌സണ്‍ നിമ്മി എബ്രഹാം, ഗ്രാമ പഞ്ചായത്ത് പ്രസിഡന്റുമാരായ പി അനില്‍കുമാര്‍, ജിഷ മുരളി, എസ് ബൈജു, ടി അജയന്‍, എം എസ് മുരളി തുടങ്ങിയവര്‍ പങ്കെടുക്കും.

ചിതറ ഓയിൽ പാം എസ്റ്റേറ്റിൽ ദുൽഖറിന്റെ സിനിമാ ചിത്രീകരണം

ചിതറ: ചിതറ ഓയിൽ പാം എസ്റ്റേറ്റിൽ മലയാള സിനിമാ ചിത്രീകരണം. റോഷൻ ആൻഡ്രൂസ് സംവിധാനം ചെയ്യുന്ന ദുൽഖർ ചിത്രത്തിനു പേരിട്ടിട്ടില്ല. ബോബി സഞ്ജയ് ആണ് തിരക്കഥ. നാളെ രാവിലെ മുതൽ സിനിമാ ചിത്രീകരണം ആരംഭിക്കും. മനോജ്‌ കെ ജയൻ സിനിമയിൽ ഒരു പ്രധാന കഥാപാത്രത്തെ അവതരിപ്പിക്കുന്നു. പ്രദേശത്ത് കനത്ത കാവൽ ഏർപ്പെടുത്തിയിട്ടുണ്ട്. പൊതുജനങ്ങൾക്ക് പ്രവേശനം ഇല്ല. സിനിമയ്ക്ക് സെറ്റിടുന്ന നടപടികൾ പുരോഗമിക്കുന്നു.

കടയ്ക്കൽ റജീന ടെക്സ്റ്റൈൽസിൽ നിരവധി ഒഴുവുകൾ | Kadakkal Jobs

 #Status: Open

Shop Name:

Rajeena Textiles Kadakkal

Employment Category:

Private

Shop Type:

Textiles

Job Location:

Kadakkal, 

Total No. of Vacancies:

11

Name of the Post:

1. Casher (2 Post)
2. Sales (8 Post)
3. Welcome Girl (1 Post)

Qualification:

1. Casher - Plus Two & Above
2. Sales - S.S.L.C & Above
3. Welcome Girl - S.S.L.C & Above

Gender: 

1. Casher - Female
2. Sales - Male & Female
3. Welcome Girl - Female

Salary Package:

1. Casher - ₹5000 - ₹10000
2. Sales - ₹5000 - ₹15000
3. Welcome Girl - ₹5000 - ₹10000

Mode of Selection:
Interview

Contact:

9567101887, 7025931887

Post date:

07- Feb-2021

NOTICE: kadakkalNews.com is not a recruitment agency. We just sharing available job in Kadakkal from different sources, so KadakkalNews.com is not directly or indirectly involve in any stage of recruitment.

തേജസിന് വീട് നല്കാൻ ചിതറയിൽ ഉമ്മൻ ചാണ്ടി എത്തുന്നു

ചിതറ: കൊല്ലം ജില്ലയിലെ ചിതറ യിലെ ഗാന്ധി ഗ്രാമത്തിലെ ആദ്യവീ ട് നല്കാൻ ഫെബ്രുവരി 8 തിങ്കൾ രാവിലെ 9 മണിക്ക് കേരള മുൻ മുഖ്യമന്ത്രി ഉമ്മൻ ചാണ്ടി എത്തുന്നു. ആദ്യ വീട് നൽകുന്നത് ഭിന്ന ശേഷിക്കാരനായ തേജസിനാണ്. ഭൂമിയും, വീടുമില്ലാത്തവർക്കും വേണ്ടി സ്വന്തം സ്ഥലം വിട്ട് കൊടുത്ത നിയാസ് ഭാരതിയാണ് വീട് നിർമ്മിച്ചു നൽകുന്നത്. 

ഇരുപതോളം പേർക്കാണ് വീട് ഒരുക്കുന്നത്. മറ്റുള്ളവരുടെ വീടുകളും നിർമ്മിക്കാനുള്ള ഒരുക്കത്തിലാണ്. ഭൂമിയും വീടുമില്ലാത്തവർക്ക് സ്വന്തം ഭൂമി ദാനം ചെയ്ത് മുൻ യൂത്ത് കോൺഗ്രസ്സ് സംസ്ഥാന വൈസ് പ്രസിഡന്റ്‌ വിഭാവനം ചെയ്ത പദ്ധതിയാണ് ഗാന്ധിഗ്രാം

ചിതറ ഗവണ്‍മെന്റ് എല്‍ പി എസിന് ഹൈടെക് മന്ദിരമായി

ചിതറ: ചിതറ ഗവണ്‍മെന്റ് എല്‍ പി എസിന് പുതിയ ഹൈടെക് മന്ദിരമായി. പൂര്‍ത്തീകരണ ഉദ്ഘാടനം മുഖ്യമന്ത്രി പിണറായി വിജയന്‍ വീഡിയോ കോണ്‍ഫറന്‍സിംഗ് വഴി നിര്‍വഹിച്ചു. വിദ്യാഭ്യാസ വകുപ്പ് മന്ത്രി സി രവീന്ദ്രനാഥ് അധ്യക്ഷനായി. ഒരു കോടി രൂപ ചെലവഴിച്ചാണ് പുതിയ ബഹുനില മന്ദിരം പണികഴിപ്പിച്ചിട്ടുള്ളത്.

ചടയമംഗലം ബ്ലോക്ക് പഞ്ചായത്ത് പ്രസിഡന്റ് ലതിക വിദ്യാധരന്‍, ചിതറ ഗ്രാമ പഞ്ചായത്ത് പ്രസിഡന്റ് എം എസ് മുരളി, ജില്ലാ പഞ്ചായത്ത് അംഗം ജെ നജീബത്ത്, സ്‌കൂള്‍ എച്ച് എം രാജു, പി ടി എ പ്രസിഡന്റ് എം ആര്‍ നജീബ്, അധ്യാപക- അധ്യാപകര്‍ തുടങ്ങിയവര്‍ പങ്കെടുത്തു.

കടയ്ക്കൽ സ്വീഡ് ഫാം ജംഗ്‌ഷനിൽ ടോറസ് ലോറിയുടെ പുറകിൽ ടിപ്പർ ലോറിയിടിച്ച്

കടയ്ക്കൽ: കടയ്ക്കൽ സ്വീഡ് ഫാം ജംഗ്‌ഷനിൽ ടോറസ് ലോറിയുടെ പുറകിൽ ടിപ്പർ ലോറിയിടിച്ച് ടിപ്പറിൽ കുരുങ്ങിയിരുന്ന ഡ്രൈവറെ കടയ്ക്കൽ ഫയർ & റസ്ക്യൂ ടീം രക്ഷപ്പെടുത്തി. 06.02.2021. വൈകിട്ട് 3.15നാണ് സംഭവം. ഹൈഡ്രോളിക്ക് കട്ടർ ഉപയോഗിച്ച് ടിപ്പറിന്റെ ഭാഗങ്ങൾ കട്ട് ചെയ്താണ് ടിപ്പർ ഡ്രൈവറെ പുറത്തെടുത്തത്. ടിയാനെ ഫയർഫോഴ്സ് ആംബുലൻസിൽ കടയ്ക്കൽ താലൂക്ക് ആശുപത്രിയിൽ എത്തിച്ചു. 

ഡ്രൈവറുടെ പേരു് അജീഷ് തോട്ടക്കാട് . അസി. സ്റ്റേഷൻ ഓഫീസർ A.K . രാജേ ന്ദ്രൻ , ഗ്രേഡ് അസി. സ്റ്റേഷൻ ഓഫീസർ ടി.വിനോദ് കുമാർ , സീനിയർ ഫയർ & റസ്ക്യൂ ഓഫീസർമാരായ P. ബൈജു , J. നിഷാൽ , B.S. ലിജു, ഫയർ & റസ്ക്യൂ ഓഫീസർമാരായ ട . ശ്യാംകുമാർ , V.R. അഭിലാഷ്. M. അരവിന്ദൻ , ട. വിനീത്, ട . ദീപക്, T. ഷിബു എന്നിവരാണ് രക്ഷാപ്രവർത്തനത്തിൽ പങ്കെടുത്തത്

സംസ്ഥാന കായകല്‍പ്പ അവാര്‍ഡ് കടയ്ക്കൽ താലൂക്ക് ആശുപത്രിക്ക്

കടയ്ക്കൽ: സംസ്ഥാന കായകല്‍പ്പ അവാര്‍ഡ് കടയ്ക്കൽ താലൂക്ക് ആശുപത്രിക്കും. സര്‍ക്കാര്‍ ആരോഗ്യ സ്ഥാപനങ്ങളിലെ ശുചിത്വ പരിപാലനം, അണുബാധ നിയന്ത്രണം എന്നിവ വിലയിരുത്തി പ്രോത്സാഹിപ്പിക്കുന്നതിനുവേണ്ടി സര്‍ക്കാര്‍ ആവിഷ്‌കരിച്ച അവാര്‍ഡാണ് കായകല്‍പ്പ. 

കേരളത്തിലെ പ്രാഥമികാരോഗ്യ കേന്ദ്രങ്ങള്‍ (പി.എച്ച്.സി.), സാമൂഹികാരോഗ്യ കേന്ദ്രങ്ങള്‍ (സി.എച്ച്.സി), താലൂക്ക് ആശുപത്രികള്‍, ജില്ലാ ആശുപത്രികള്‍ എന്നിവയില്‍ നിന്ന് തെരഞ്ഞെടുക്കുന്ന മികച്ച ആശുപത്രികള്‍ക്കാണ് കായകല്‍പ്പ അവാര്‍ഡ് നല്‍കുന്നത്. മത്സരത്തിൽ ആദ്യമായി പങ്കെടുത്ത് സബ് ജില്ലാതലത്തില്‍ 70 ശതമാനത്തില്‍ കൂടുതല്‍ മാര്‍ക്ക് നേടി ഒരു ലക്ഷം രൂപ കമന്‍ഡേഷന്‍ അവാര്‍ഡിനാണ് കടയ്ക്കൽ താലൂക്ക്‌ ആശുപത്രി അർഹത നേടിയത്. ഇത്തരത്തിൽ ഒരു വിജയം കൈവരിക്കുന്നതിന് നേതൃത്വം നൽകിയ സൂപ്രണ്ട്‌ ഡോ.രാജ് ഗഫൂർ സാറിനും ജീവനക്കാർക്കും അഭിനന്ദനങ്ങൾ.

കോവിഡ് നിയന്ത്രണങ്ങള്‍ ശക്തമാക്കണം - ജില്ലാ കലക്ടര്‍

ജില്ലയില്‍ കോവിഡ് നിയന്ത്രണങ്ങള്‍ ശക്തമാക്കണമെന്ന് ജില്ലാ കലക്ടര്‍ ബി അബ്ദുല്‍ നാസര്‍ നിര്‍ദേശം നല്‍കി. സി എഫ് എല്‍ ടി സി കളുടെ പ്രവര്‍ത്തനം കാര്യക്ഷമമാക്കണം. കോവിഡ് രോഗികളുടെ മാപ്പിംഗ് കര്‍ശനമാക്കണം തുടങ്ങിയ നിര്‍ദേശങ്ങളും കലക്ടര്‍ നല്‍കി. കോവിഡ് നിയന്ത്രണങ്ങള്‍ അവലോകനം ചെയ്യാന്‍ കൂടിയ ഓണ്‍ലൈന്‍ യോഗത്തിലാണ് ഉദ്യോഗസ്ഥര്‍ക്ക് നിര്‍ദേശം.

സെക്ടറല്‍ മജിസ്‌ട്രേറ്റുമാര്‍ പരിശോധന ഊര്‍ജ്ജിതമാക്കി നിയന്ത്രണങ്ങള്‍ ലംഘിക്കുന്നവര്‍ക്കെതിരെ പിഴ ഈടാക്കണമെന്നും നിര്‍ദേശമുണ്ടായി. ഗ്രാമതലത്തില്‍ നിയന്ത്രണങ്ങള്‍ കൂടുതല്‍ ശക്തമാക്കാനും യോഗം തീരുമാനിച്ചു.

എ ഡി എം പി.ആര്‍.ഗോപാലകൃഷ്ണന്‍, കോവിഡിന്റെ ചുമതലയുള്ള ഡോ ചിത്ര, ജില്ലാ മെഡിക്കല്‍ ഓഫീസര്‍ ഡോ ആര്‍ ശ്രീലത, വിവിധ വകുപ്പുതല ഉദ്യോഗസ്ഥര്‍ തുടങ്ങിയവര്‍ പങ്കെടുത്തു.