കടയ്ക്കൽ: MCC മണികണ്ഠൻചിറയും,ആൽഫ ട്യൂഷൻ സെന്ററും ചേർന്ന് കുട്ടികൾക്കായി സംഘടിപ്പിച്ച “വേനൽ തുമ്പികൾ” സമാപിച്ചു. മെയ്‌ 9 രാവിലെ 9.30 മുതൽ 11.30 വരെ ക്വിസ് മത്സരം, കഥാരചന,കവിതാരചന, മറ്റ് വർക്ക്‌ എക്സ്പീരിയൻസ്. ഈ പ്രോഗ്രാം ആൽഫ ട്യൂഷൻ സെന്റർ അധ്യാപികഅർച്ചയുടെ നേതൃത്ത്തിൽ നടന്നു.
തുടർന്ന് 11.30 മുതൽ ഗിന്നസ് വേൾഡ് റെക്കോർഡ് ജേതാവ് കടയ്ക്കൽ സ്വദേശി ശാന്തി സത്യൻ അനിത്സൂര്യ നയിച്ച ഓർമ്മയുടെ രസതന്ത്രം ഓർമ്മ ശക്തിയുടെ ശാസ്ത്രത്തിലേയ്ക്കും, രഹസ്യങ്ങളിലേയ്ക്കും ഒരു യാത്ര എന്ന പരിപാടി കുട്ടികൾക്ക് ഏറെ കൗതുകമുണർത്തി. ഉച്ചയ്ക്ക് 2.30 മുതൽ ലഹരി മുക്ത കേരളം എന്ന വിഷയത്തിൽ ചടയമംഗലം എക്സൈസ് സബ്ഇൻസ്‌പെക്ടർ എ കെ രാജേഷ് ക്ലാസ്സെടുത്തു. വൈകുന്നേരം 4 മണിക്ക് നടന്ന സമാപന സമ്മേളനം കിംസാറ്റ് ചെയർമാൻ എസ് വിക്രമൻ ഉദ്ഘാടനം ചെയ്തു. ക്ലബ് പ്രസിഡന്റ് സി ഉണ്ണി അധ്യക്ഷത വഹിച്ചു, ക്ലബ് സെക്രട്ടറി പ്രവീൺ ദാസ് സ്വാഗതം പറഞ്ഞു.
കടയ്ക്കൽ പഞ്ചായത്ത്‌ പ്രസിഡന്റ് എം മനോജ്‌ കുമാർ വിജയികൾക്കുളള സമ്മാനദാനം നൽകി. കടയ്ക്കൽ എസ് ഐ ഷിജു ക്ലാസ് നയിച്ചവരെ ആദരിച്ചു. ആശംസകൾ അറിയിച്ചുകൊണ്ട് വാർഡ് മെമ്പർമാരായ ജെ എം മർഫി, പ്രീതൻ ഗോപി, ആൽഫ ട്യൂഷൻ സെന്റർ പ്രിൻസിപ്പാൾ മനോജ്‌ എന്നിവർ സംസാരിച്ചു.ക്ലബ് ട്രഷറർ ആദർശ് നന്ദി പറഞ്ഞു..
അഭിപ്രായങ്ങളൊന്നുമില്ല
ഒരു അഭിപ്രായം പോസ്റ്റ് ചെയ്യൂ