കൊല്ലം ജില്ലയിൽ കൊവിഡില്ലാതെ രണ്ട് ദിനങ്ങൾ

കൊല്ലം: ജില്ലയിൽ ഇന്നലെയും പുതിയ കൊവിഡ് പോസിറ്റീവ് കേസുകൾ റിപ്പോർട്ട് ചെയ്തില്ല. കഴിഞ്ഞ തിങ്കളാഴ്ചയാണ് ജില്ലയിൽ ഏറ്റവും ഒടുവിൽ കൊവിഡ് റിപ്പോർട്ട് ചെയ്തത്. അതേസമയം കൊവിഡ് സംശയിക്കുന്ന അഞ്ചുപേരെ ഇന്നലെ ആശുപത്രിയിൽ പ്രവേശിപ്പിച്ചു.

നിലവിൽ ഏഴ് കൊല്ലം സ്വദേശികളാണ് കൊവിഡ് ബാധിച്ച് ചികിത്സയിലുള്ളത്. ഇന്നലെ വരെ 21,521 പേരാണ് ഗൃഹനിരീക്ഷണം പൂർത്തിയാക്കിയത്. ഇന്നലെ പുതുതായി പ്രവേശിച്ച 221 പേർ ഉൾപ്പെടെ 1,782 പേരാണ് ഗൃഹനിരീക്ഷണത്തിലുള്ളത്. 215 പേർ ഇന്നലെ ഗൃഹനിരീക്ഷണത്തിൽ നിന്ന് ഒഴിവായി.