സൈക്കിൾ വാങ്ങുന്നതിന് കരുതിവെച്ച തുക ദുരിതാശ്വാസ നിധിയിലേക്ക്‌ നൽകി ആറാം ക്ലാസ്സുകാരി

കടയ്ക്കൽ : സൈക്കിൾ വാങ്ങുന്നതിന് കരുതിവെച്ച തുക ദുരിതാശ്വാസ നിധിയിലേക്ക് നൽകി ആറാം ക്ലാസ്സുകാരി അനന്യ ഗോപൻ. കുടുക്കയിൽ ഇട്ട് കൂട്ടിയ 2218രൂപയാണ് മുഖ്യമന്ത്രിയുടെ ദുരിതാശ്വാസ നിധിയിലേക്ക് നൽകുന്നതിന് മുല്ലക്കര രത്‌നാകരൻ എം എൽ എയെ ഏൽപ്പിച്ചത്. കടയ്ക്കൽ പഞ്ചായത്തിലെ ഇളമ്പഴന്നൂർ ആതിരയിൽ ജി എസ് ഗോപകുമാറിന്റെയും പി എസ് ആതിരയുടെയും മകളായ അനന്യ പൂങ്കോട് ജംസ് സ്‌കൂളിലെ വിദ്യാർത്ഥിനിയാണ്.