കൊല്ലം: കൊവിഡ് സ്ഥിരീകരിച്ചതിനെ തുടര്ന്ന് കൊല്ലം സ്വദേശി ദുബായില് കെട്ടിടത്തിന്റെ മുകളില് നിന്നും ചാടിമരിച്ചു. കൊല്ലം പ്രാക്കുളം കാലമാടനയ്യത്ത് വീട്ടില് പുരുഷോത്തമന്റെ മകന് അശോകനാണ് മരിച്ചത്. ഉച്ചയോടെയാണ് ബന്ധുക്കള്ക്ക് വിവരം ലഭിച്ചത്.
കൊവിഡ് ആണെന്ന് ബോദ്ധ്യപ്പെട്ടതോടെ താമസിച്ചിരുന്ന മുറിയില് അശോകനെ മറ്റുള്ളവര് കയറ്റാന് സമ്മതിച്ചില്ലെന്നാണ് വിവരം. ഇതോടെയാണ് ആത്മഹത്യ ചെയ്തത്. മൃതദേഹം നാട്ടിലെത്തിയ്ക്കാന് കഴിയില്ലെന്നാണ് വിവരം. ഭാര്യയും മക്കളുമടക്കം നാട്ടിലാണുള്ളത്. സംഭവത്തെ കുറിച്ച് കൂടുതല് വിവരങ്ങള് തിരക്കുകയാണ് ബന്ധുക്കള്.
